Истанбул

Состанок на групата во 15:00 часот пред СЦ Борис Трајковски, поаѓање кон Истанбул во 15:30 часот. Ноќно возење со попатни паузи за одмор и царински формалности. Се патува преку Грција.

Пристигнување во Истанбул во утринските часови. По пристигнувањето во Истанбул започнуваме со посета на населбата Балат, односно ја посетуваме Железната црква – црква која е изградена исклучиво од железо, изградена со донација од македонски мајстори и местото каде што е погребан Партение Зоографски, вистинско ремек дело. Потоа се упатуваме кон Вселенската Патријаршија – место кое е едно од најзначајните симболи за христијанството. На крај се упатуваме кон срцето на Балат – област која е препознатлива по многубројните дрвени куќички кои фасадите им се бојадисани во различни бои, кои ни се доста познати од турските серии, населба која е преполна со многубројни кафулиња, и населба која е една од нај фотографираните во Истанбул. Следува слободно време за индивидуална прошетка во времетраење од 1 до 1ипол час. По слободното време се упатуваме кон кон Таксим – главниот плоштад во Истанбул, место каде што се организираат сите собири, овде се наоѓа Истикал улицата која е долга 2 километи и улица каде што се движи познатиот ‘’црвен трамвај’’, а на крајот од улицата се наоѓа Галата кула која што надзира високо над овој магичен град. Слободно време за индивидуална прошетка во времетраење од 1ипол до 2 часа. По завршувањето со Балат и Тксим се упатуваме кон хотел. Според правилата на хотелот, check in ќе биде после 14 часот, односно веднаш по завршување со факултативата. Слободно време за одмор и ундивидуална прошетка до Капали Чаршија,Аја Софија, Хиподром, Плавата Џамија... Враќањето во хотел е индивидуално. Ноќевање. Вечерта можност за организирање на турска вечер со многу забава.

Појадок. По појадокот започнуваме со Крстарењето по Босфорот – Теснец кој го дели Истанбул на Европски и Азиски. По брегот на Босфорот ќе ги видиме најлуксузните вили од турските серии каде што живеат највлијателните личности во Турција, исто така ќе ги видиме и најпознатите
знаменитости на Истанбул. Факултатива која остава без зборови, факултатива каде што го имаме цел Истанбул на дланка во времетраење од околу 90 минути. По крстарењето по Босфорот се упатуваме кон Чамлиџа Џамија – Џамија која се наоѓа во округот на Ускудар односно во Азискиот
дел на Истанбул. Џамија која е најголема во Турција, која има сместивост од 63.000 луѓе. Отворена е во 2019 година од страна на претседателот на Турција – Ердоган која и се нарекува Џамијата на Ердоган, место кое што нуди прекрасен поглед на Истанбул. На Џамијата дневно
работеле 25.000 луѓе. Слободно време за уживање во погледот кон Истанбул. По слободното време се упатуваме кон населбата Кадиќој - живописна и модерна населба на азиската страна на Истанбул, позната по својата динамична атмосфера и културна сцена. Таа нуди шарени пазари, пријатни кафулиња и бројни ресторани со локална и интернационална кујна. Слобоно време за индивидуални активности. По слободното време се упатуваме кон Ортаќој – прекрасна населба лоцирана на европската страна на Истанбул, позната по една од нај фотографираните Џамии во Истанбул – Меџиде Џамијата и по многуте кафулиња и ресторани. Има многу штандови со различни сувенири и накити а и овде традиционално се јаде специјалиетот Kumpur – компир полнет со различни додатоци кои си го полните по Ваш вкус. Следува слободно време за прошетка во времетраење од 1ипол до 2 часа. По слободното време се упатуваме кон хотелот. Ноќевање.

Појадок. Одјавување од хотелот. Следува посета на продавницата за слатки работи ‘’Коска’’ каде што ќе имаме можност за дома да купиме баклави, локуми и многу други благи работи кои се доста специфични во Турција. Слободно време за пазарење во времетраење од 45 минути до 1 час.
Потоа се упатуваме кон некој од многубројните аутлети во Истанбул. Слободно време за шопинг во времетраење од 2 до 2ипол часа. По шопингот поаѓање кон Македонија. Денско и ноќно возење со попатни паузи за одмор и царински формалности. Предвидено пристигнување во Македонија е после полноќ на 10.03.2026. Крај на програмата.